Key West

30.09.2007 à 23:09

Dienstag:18. September

Vo Miami us hemer ois zimli früe am morge uf de weg zude Florida Keys und vor allem nach Key West gmacht.

D Landschaft, d Umgebig und s Meer sind da eifach traumhaft schön, so dass mer mitem auto einigi Halt gmacht hend und umegluegt hend (nöd iversüchtig werde;-))...

Für de Zmittag hemer per Zuefall au ganz es schöns Plätzli gfunde, womer d Sunne, d Wärmi und s Meer so richtig hend chöne gnüsse...

Nach so langer Autofahrt hemer ja au no öpis vo Key West wele gseh und öpis erlebe!

nachem Bsuech am Strand simer denn no goge Jet Ski fahre, zumindest öper vo ois beidne;-)

was jede mal ide USA het müese erlebe isch es Hard Rock kaffi! drum hemer i so eim denn au znacht gesse und eignetlich scho satt hemer denn no es eifachs Brownie bstellt, wo sich denn aber als chli meh usegstellt het!!