Tampa

01.10.2007 um 00:47

Donnerstag 20. September: a dem tag hemer eigentlich planed gha, nach Tampa/ St. Petersburg z fahre, doch denn isch alles anderst cho... eigentlich hemer da in Florida ja eigentlich immer Sunneschii, doch wenns mal regnet denn richtig, so au a dem Tag, es het also gschütted wie nüt und d Strasse sind ganz nass gsi... da hemer wele abbüge zum inen Lade ga, alles ganz korrekt mi blinke und allem (dadezue muemer sege, d touriste sind da di einzige wo blinked)...da tätscht plötzlich! Es Auto isch voll i ois inegfahre...guet simer halt ufen Parkplatz gfahre und hend de Polizei alüüte und so oisi erste Erfahrige mit de US- Police gmacht! sie hend ois zwar gseit es göchi nume 10- 15 Minute, es het sich jedoch nach unzählige Arüef und 3 Stunde erst eine blicke la! da oises Mietauto en chliine schade gha het und mir kei Problem hend wele simer da goge umtuusche... naja uf all Fäll hemer dur de Vorfall zimli viel Ziit verlore und sind dementsprechend erst spat in Tampa acho! da hemer eifach no schnell öpis wele goge esse und denn is Hotel goge schlafe...doch denn isch am Martin sis vermeintliche Esse ufem Trese gstande und er hets gno und afa esse, bis mer gmerkt hend dasser s esse vomeme andere Gast gesse het :-)!