9-13. November
14.11.2007 um 06:06
bi mir isch immerno alles bestens, d sache hend sich langsam ispielt und so hani langsam chli en plante wucheablauf! doch es verlängereds wucheendi isch natürli immer willkomme, da am mäntig da veterans day gsi isch!
samstig 9.11 a dem tag simer uf destin gange will mer e wiehnachtsustellig hend wele goge aluege, naja die ustellig isch e chli entüüschend gsi! und ja es isch scho chli gwöhnigsbedürtigs mitti november scho de erst santa claus z gseh, wenn all no ide kurze libli und hose umelaufed und sonen riiiese künstliche Tannebaum nebed plame z gseh und dezue no all die klassische wiehnachtlieder wo usem luutsprecher dröhned!
Suntig am suntig hemer de de sunshine state verla und sind richtig mobile in alabama zoge! hehe ez bini immerhin scho i 2 staate gsi :-) dete hemer de s civic war museum agluegt und sind inere art technorama gsi! und de wiedermal öpis typisch amerikanischs! zum znacht simer ines typischs southern restaurant gange! und s spezielle dra die rührend brötli durs ganze resti- sobald mer inechunt wird mer bombadiert und ich als typischi touristin han "tüür" für mini föteli zahlt! da het mer doch de nett guy grad es brötli an kopf gschosse, willi kei chance gha ha zums fange:-)! und au sust bringeds eim massehaft gratis esse, mer hend de schlussendli 3 boxe voller esse heigno womer nöd möge hend:-)!
Mäntig das da immerno seehr agnehm warm isch hets am mäntig ois de schlussendli richtig beach zoge! und jaaa ich weiss ide schwiiz schneits und ich chans mer absolut nöd vorstelle, will mir hend no es schöns erfrischends bad im meer gno...und ez wos nüme ganz soo heiss isch, ischs meer wunderschön grünblau und am strand hets nüme so massehaft lüüt!
Diestig no öpis typisch amerikanischs, min cake dekoration class! und da isch min erste chueche, also ich finden nöd soo schlecht für es erstlingswerk! ich denke mal ihr chönd oi all uf riese geburtstagschüeche froie will es macht mer mega viel spass!
