Verschiedens

23.10.2007 um 19:45

Diestig 23. Oktober so langsam lebi mi da immer meh und meh i, kenne lüüt, weiss wo durefahre und ha einiges zum mache!Ich bi im Geburtshuus, was würkli s schönste Huus isch woni gemahls gseh ha, föteli folged uf jede Fall: bi im Kindgsi für die 4-jährige und im andere Kindsgi für die 5-6-jährige, bald bini au no am Spital am helfe! ufem Bild grad zum Biispiel mit de Chliine vom Kindsgi uf de Führwehrstadtion nebebdii tueni no viel illegal babysitte, und sust machi eifach alles wo mit Schwangerschaft, Geburte, Neugeborene und Babys z tue het! so bini scho im Schwangerschafts- und Babyyoga gsi aber au imeme Geburtsvorbreitigskurs, Schwangerschaftsmassage und so wiiter gsi! Ansonste isch z sege dasses da immerno sehr warm isch also so 25- 30 Grad doch es regnet sitere wuche fast ununterbroche! und viellicht hets de eint oder ander vo oi im TV gse, letzt wuche isch en schwache Tornado über Pensacola gfäged, wobi mir sehr glück gha hend dass mer kei schade gno hend, will ide Nachbarschaft sind also zum Teil Bäum id Dächer gkracht und so! au wenns eher es negativs gsi isch es erlebnis isches allemal gsi, da ja tornados und hurricans da eifach dezue ghöred! Sust isch de änä am Teich eifach alles viel grösser, so dörfi zum Biispiel imeme riesige Pick-up umdüüse und d läde sind soo gross dass mer sich schier drinn verlaufe cho!Mit minere Gastfamilie hanis mega guet und da mini Gastmueter Massagetherapeutin isch gsehni und erlebi au no viel alternative Heilmethode, was ja zimlis neuland für mi isch!und au mit mim chliine Gastbrüeder hanis absolut guet! und zum Teil gsehni au sache woni nie denkt het, da chunt doch eines morgens womer am zmorgetisch sitzed verrusse eifach e wildi Schildkrot z laufe;-) So dass isch grob das woni da mache...