Orlando

01.10.2007 um 03:47

Freitag 21.-Montag 24. September: am Fritig simer denn geg de Abig in Orlando acho und hend no es biz öpis vode stadt gse, und hend entschiede am nächste Tag in Vergnüegigspark Sea World z ga...

Obwohl s Sea World öppe doppled so tüür isch wie de Europapark, isches viel kliiner und het erst no nume 2 "Achterbahne"... S spezielle dra isch eifach dasses viel Tier het und Tiershows

Mit dene Tier, da ufem Bild mitem SHAMU!!!! macheds denn ganz verruckti Sache und die sind also würklich sehr guet trainiert!

und nebed dene Shows chamer d Tier au no füettere und denn wemer Glück het au strechle, aber die Delfin wend natürli lieber fresse als sich vo allne streichle la! aber sust mueni sege het mich das Seaworld chlii entschüüscht, will es isch nüt im Gegesatz zum Europapark...

am Suntig simer denn nach langem hin und her nomal i sonen "Park" gange, das mal inen Wasserpark s "Wet'n'Wild", wo ählich isch wienes riesigs Alpamare, doch mer sind keini halb Stund i dem Park gsi da sind all Bahne gschlosse worde, will Rege im Amarsch gsi isch, das hemer natürli nöd so lustig gfunde, hend aber usem Park chöne und sind goge shoppe....doch s wetter het eifach nöd wele besser werde, da hemer entschiiede im Park oises Züüg goge hole und z ga...doch da gsehmer dass sie di Bahne doch wieder ufgmacht hend, so hets fast kei Lüüt me gha und mir hend chöne wiiterrutsche...

ansonste gits in Orlando vieli verruckti Sache zum gseh wie zum Bispiel das Huus wo ufem Kopf baut worde isch und sogar begehbar isch....

Am Mäntig Morge früe hemer ois denn uf de Weg gmacht Richtig Pensacola und sind nach öppe 8 Autostunde au endli dete acho...