North Carolina 16.-21. November
21.11.2007 um 03:46
Damit i au mal no de rest vo minere gastfamilie kennelerne und da de chli tim vor thanks giving a wuche ferie het, hemer ois ufgmacht zunere 12 Stunde Fahrt nach North Carolina!
Dunstig 16.November Kurz bevor mer ois uf de weg Richtig NO vode Usa gmacht hend, hemer no s Thanks Giving Play vode Vorschuel woni amäl mithilfe gluegt! so gsender au mal es föteli vo dene!
Fritig 17. November Zum einigermasse schnell uf North Carolina z cho simer a dem tag eigentlich hauptsächlich Auto gfahre und sind so am spätere Nami a oisem Ziel acho!
Samstig 18. November Da die ältist Tochter vo minere Gastfamilie bald hüürated, hend am Samstig morge die 3 Fraue sich ufgmacht goge Hochziitskleider aluege! Mer sind ine Art Walmart gange für Hochziitskleider! Da hets soo viel Kleider gha, en Traum vo jeder Frau, aber fast scho en Alptraum fürs Brüüt, will mit de Ziit sinds gar nüme drus cho was sie ez scho aprobiert hend und was ihne ez eigentlich gfallt! Am nami simer de no imeme Lade gsi wo Esseware und sustigs Züüg us de ganze Welt het, leider isch de Priis zum Teil cho höch, so kosted es Päckli Knorr Suppe meh als 6 Dollar also öppe 7 Franke, aber also mer findet au da ide USA düütschi Zimtsterne und so!
