St. Valentin

Ecrire un commentaire

Jä bi uns in dr Schuel gohts eso richtig ab! me cha sichs vorstelle jede daag so zwüsche 6 bis 15 Frau! Eigentlich sött me mol e doku mache über s gerede in dr schuel vorallem so zur Valentinsdaag zit chöme den so frooge wie "und was schänksch du dim Fründ?" "Mhh kei ahnig... i ha immer gmeint nur d Mànner schänke öppis?!" oder "hääää Valentinsdaag muess me do öppis schänke????!!!" Also wenn dir mi Froget ich find das alles chli doof und wenn den wotti lieber mim Fründ unter em JOhr öppis schänke (oder gschänkt becho) ;) das triffts viellicht ehnder ;) Mir wüsse jo alli wied Fraue sind... wehe dr Fründ schribt mol e halb stund nit zrugg oder är schänkt nüt zu Valtentinsdaag. Denn chöme den die frooge wie Schaaaaatz hesch gseh s neue Parfüm vo dr Nina Richi das isch den coooooool! und Neiiii i wott doch nit das du nur wägem St Valentin so viel gäld ussgisch (liebi Mànner das heisst so viel wie "wehee du schänksch mir das nit" eifach das dir do mol ufkläärt wärde) Wenns um gschänkli goht chöne mir Fraue nieeee gnueg ha! und JO mir wänd au gschänkli bechoo immer und immer wieder! So sind mir Fraue halt! (au wenn mir immer s gegeteil behaupte! Das stimmt meistens nit) Aber mol no zu de Männer! Kei Maa het sich bi mir jemols drzue güsseret was är vom ST Valentin haltet?!? Das würd mi doch mol wunder neh! damit mir Fraue au mol bscheid wüsse und bi euch druss chöme (jää au dir sind amigs oder immer wieder seeehhhhrrrr Kompliziert) ;) so gnueg für hüte und allne e schööne Valentinsdaag! Lg Trish