1-Tagsflöige

08.07.2008 à 17:14

Äso lang gwartet, äso lang bangt

U de wachsch am Morgä uf,

Merksch dasd Zyt scho nümme langt;

Bim Wäg zur Arbet chunsch usm Schnuf.

4 Mönet hesch di vorbereitet

U glert u gmacht u aues ta

Di angere hei scho Grücht verbreitet

“Mir chöi aues, was dä cha!”.

D Sunnä brönnt u d Tempi stigt,

Äso macht Schaffä gar kei Spass!

Vorwärts geits wiu dir nüt angers blibt

U du vermissisch’s, ds chüele Nass.

Am Mittag schnäu ga kopulierä,

Für meh blibt aber ou ke Zyt.

Id Mensa masch nüm dirigiere,

Di “Nährstoff” dert, di bruchsch du nid.

Dis täglech Brot: Um’s Überläbe kämpfe!

Das hesch du bis am Abä glehrt.

Dii erschti Tag tuet Fröidä dämpfe

Drbi hesch gmeint äs sig umgekehrt!

Ändlech liggä, schlafä, egau wo:

Im Bett, am Bode, ufm Tisch;

Dir längt dä Tag u du bisch froh,

Dassd numä ä Eintagsflöigä bisch.